快D死啦！

首先，大家中国人，免费惯左，边度有人会愿意俾钱？就算系俾，你老板你一开波收咁贵，有无做过市场调查？睇波人群嘅收入系几多？俾得起钱嘅人，有几多咁热衷睇波？无做过咧？一开波你就输左啦，而家走来降价？鬼叼你咩？

第二，大家中国人，对英超球队边度有咁铁杆得噶，你又唔会场场都四大豪门，唔通伯明翰对新特兰都有好多人睇咩，系咪咁讲先？你而家又将非四大豪门嘅转播权卖俾广体，咩意思呢？系咪想俾D甜头球迷们然后想话有得再继续9 SI呢？咁样D人咪更加鄙视你，所以…都系鬼叼你咩？

第三，大家中国人，都知道一样野，士可杀不可辱，你老板你一开波就叫嚣免费睇波时代结束，中国人要开始习惯付费云云….嗟咩意思？系咪一定要俾你玩晒，一定要俾你9 SI晒？挑战中国人嘅银包都算啦，挑战中国人嘅傲骨？收皮啦，而家你收200一年都会系果句：鬼叼你咩？

第四，大家中国人，唔系唔知咁多盗版转播网站噶？系，网上直播虽然唔清，但系胜在想睇边场都有，本来距地面对嘅群体主要系D唔方便收睇电视嘅人群。而家好啦，你整到D网站同软件彻底普及，所有人都睇P2P，质量越来越好，缓冲越来越快。其实都无咩，不过最重要嘅系大部分人已经习惯左哩种模式，所以想收复失地磨？鬼叼你咩？

或者，我地都睇错左天盛，一个咁大嘅项目，无理由连市场调查都唔做嘅，又无理由咁臭寸噶嘛。所以我觉得天盛系为我地嘅子孙后代着，令到收费睇波哩种模式以后都无办法系中国实施。Oh~~容许我赞美下您，您～情操之高尚令人无法仰视，眼光之长远直头离晒大谱，用心之良苦可歌可泣矣。

有诗为证：横眉冷对千夫指，天盛咁为花下shi,，良苦用心唯天知，一亿几千当草纸